நீங்கள் தேடியது "நடிகர் ரஜினிகாந்த்"

தூத்துக்குடி:

தூத்துக்குடி அரசு ஆஸ்பத்திரியில் காயமடைந்தவர்களை ரஜினிகாந்த் இன்று சந்தித்து ஆறுதல் கூறினார். இதற்காக சரியாக 11.30 மணிக்கு ரஜினிகாந்த் அரசு மருத்துவமனைக்கு வந்தார். ரஜினிகாந்துடன் 2 கார்கள் மட்டுமே மருத்துவமனைக்குள் செல்ல அனுமதிக்கப்பட்டது. இதை தொடர்ந்து காரில் இருந்து இறங்கிய ரஜினிகாந்த் அங்கு திரண்டு நின்ற ரசிகர்களை பார்த்து கையசைத்தார்.

குண்டு பாய்ந்து காயம்பட்டு அவதிப்படுபவர்களை பார்த்து அவர் கண்கலங்கினார். அப்போது அவரிடம் காயமடைந்தவர்கள் கண்ணீருடன் கூறுகையில், "நியாயமான கோரிக்கைக்காக அமைதியான வழியில் போராடிய எங்களை அநியாயமாக சுட்டுவிட்டார்கள். எங்கள் இந்த துயர நிலைக்கு ஆளாக்கிவிட்டார்கள். இதை போக்க நீங்கள்தான் முதல்வராக வரவேண்டும்" என நெகிழ்ச்சியுடன் கூறினார்கள்.

துப்பாக்கி சூட்டில் வலதுகாலை இழந்த மில்லர்புரம் வாலிபர் பிரின்ஸ்டனை பார்த்த ரஜினிகாந்த் கண்கலங்கினார். அங்கு நின்ற சிகிச்சை பெறும் நோயாளிகளின் உறவினர்களையும் சந்தித்து ரஜினிகாந்த் ஆறுதல் கூறினார். பின்னர் மருத்துவமனையைவிட்டு வெளியில் வந்த ரஜினிகாந்த் அங்கிருந்து காரில் ஏறி புறப்பட்டார். #Thoothukudifiring #Rajinikanth

தூத்துக்குடி:

தூத்துக்குடியில் நடைபெற்ற துப்பாக்கி சூட்டில் காயமடைந்தவர்களை பார்பதற்காக நடிகர் ரஜினி இன்று காலை தூத்துக்குடி விமான நிலையத்தில் இருந்து கார் மூலம் அரசு மருத்துவமனைக்கு சென்றார். செல்லும் வழியில் கலெக்டர் அலுவலகம் வரும் போது அருகில் இருந்தவர்கள் ரஜினியிடம் தெரிவித்தனர். அப்போது காரில் இருந்தவாறே துப்பாக்கி சூடு சம்பவம் நடந்த பகுதிகளை பார்வையிட்டார். பின்னர் அங்கிருந்து புறப்பட்டார்.

புதுக்கோட்டை, வாகைகுளம், கோரம்பள்ளம், உள்ளிட்ட பகுதிகளில் ஏராளமானவர்கள் நின்று அவரை வரவேற்றனர். இதை தொடர்ந்து வ.உ.சி.கல்லூரி முதல் வி.வி.டி.சிக்னல் வரை சாலையின் இருபுறமும் திரண்டிருந்த ரசிகர் கூட்டத்தை பார்த்ததும் ரஜினி எழுந்து நின்று ரசிகர்களை பார்த்து கும்பிட்டவாறே சென்றார்.

பின்னர் வி.வி.டி.சிக்னலை தாண்டி பொதுமக்கள் மற்றும் ரசிகர்களுக்கு போலீசார் அனுமதியளிக்கவில்லை. பின்னர் காலை 11.30 மணிக்கு தூத்துக்குடி அரசு மருத்துவமனைக்குள் சென்ற ரஜினி சிகிச்சை பெற்று வரும் ஓவ்வொருவரிடமும் தனித்தனியாக சென்று நலம் விசாரித்தார்.  #ThoothukudiFiring #Rajinikanth